മറ്റെല്ലാ കഥകളെക്കാലും അവർക്ക് ആ ടൈം ട്രാവലിനോട് ഒരിഷ്ടം തോന്നുന്നുണ്ടെന്ന് തോന്നി. ആ കഥയിൽ അവന്റെ ബാല്യത്തെക്കാണുന്നുണ്ടാവാം അമ്മ. എങ്കിലും! അവിനാശ് ഒരു ടൈം ട്രാവലിങ് കഥ എഴുതിയിട്ടുണ്ടെന്നറിഞ്ഞപ്പോൾ എനിക്ക് ചിരിവന്നു. സയൻസ് ഫിക്ഷനുകളുടെ വലിയ വിമർശകനായിരുന്നു അവൻ.
ചെറുപ്പത്തിൽ ടൈം ട്രാവൽചെയ്യാത്തവരുണ്ടാകില്ലല്ലോ... മുതിരുമ്പോൾ നമ്മൾ സമയത്തിന്റെ തടവുകാരാകും
അമ്മയുടെ കയ്യിൽ നിന്നും ഞാൻ ആ കഥ വാങ്ങി. തല്ലുകൊള്ളുന്ന കയ്യക്ഷരം തന്നെ. "അതിന് ഇപ്പോഴും വലിയ മാറ്റമൊന്നും വന്നിട്ടില്ല" അമ്മ ചിരിക്കാൻ ശ്രമിച്ചു കൊണ്ട് പറഞ്ഞു... അതിന് ഇപ്പോൾ അവനില്ലല്ലോ... ഞാനത് പറഞ്ഞില്ല...
കഥയുടെ പേരായിരുന്നു അത്ഭുതം.
ദ അഡ്വഞ്ചേഴ്സ് ഓഫ് ഹെറോയിക് സൈ
ഹെറോയിക് സൈ....?! ആ റഷ്യൻ എഴുത്തുകാരൻ...?! താൻ വിവർത്തനം ചെയ്യാൻ പോകുന്നന്നു പറഞ്ഞ് അവൻ എന്നെക്കാണിച്ച മൂന്നു നോവലുകൾ എഴുതിയ ആൾ...?!
പക്ഷേ,...
